Баланы ынталандыру
«Бала өзіне деген қарым-қатынасты ата-ана мен мұғалімнің қалай сөйлейтініне қарап түсінеді. Ересектердің сөзі баланың өзін-өзі бағалауы мен өз мәртебесінің өсуіне тікелей әсер етеді. Ересектердің сөзі баланың тағдырын шеше алады деу артық емес» Х. Гинотт
Баланың ықыласына тек оның сезімдерін қабылдау арқылы жетесіз. Тіпті өзіміз де біздің сезімдерімізді қабылдамаса қандай ыза боламыз. Айталық, таңертең куйеуіңіз жұмысқа асығып тықыршып тұр, ал сіз бір жағынан бала жылап жатыр, бір жағынан телефон шырылдап, үлкеніңіз горшокқа отырам деп жаныңызды алып жатыр, ал омлетіңіз күйіп барады. Осы кезде күйеуіңіз: Құдайым-ай, сенің-ақ тамағың жөнді болмайды, үнемі осы. Осы сөздерді естігенде қаныңыз қайнап кететін болар. Күйеуіңіз жұмысқа кеткен соң да ызадан жарылар болып, күні бойы көңіліңіз бұзылып ыза боласыз. Балаларға айғайлай бастайсыз. Солай ма? Себебі, күйеуіңіз сіздің сезімдеріңізге түсіністікпен қарамады.
Ал осы жәйтке басқаша қарасақ. Күйеуіңіз келіп, күйген омлетке қарап: Жаным-ау, таңертеңнен жан-жақтан миыңды ашытып жібердік-ау, күні бойы миың ашып кетпей жүргенін айтсаңшы, сенің шыдамдылығыңа қайран қалам, түсінем жағдайыңды, - десе сіз не дер едіңіз? Әрине сіз оған риза болсыз. Тіпті шөпілдетіп сүйіп аларсыз. Гүлдей құлпырып кетесіз. Күні бойы көңіл-күйіңіз жадырап қаншама жұмысты қопарып тастайсыз. Солай ма?
Баланың да көңілі дәл сіздікіндей. Оның да қобалжитын, қатты ашуланатын сәттері көп. Сондай кезде сіз де оған түсіністікпен қарасаңыз, сіздің балаңыз нағыз бақытты бала болар еді. Ара қатынасыңызда - мықты, жылы және сенімді көпір орнайтыны рас.
